Бас прокуратура қазақстандықтарға өз атынан таралған жалған хабарлама жайлы ескертті

0
39

 

Қазақстан бас прокуратурасы осы мекеменің атынан жалған электрондық хабарламалар таратылып жатқанын айтып мәлімдеме таратты.

Бас прокуратура қазақстандықтарға өз атынан таралған жалған хабарлама жайлы ескертті

«Биылғы жылғы 26 наурыздан бастап әртүрлі электрондық пошталардан ([email protected], [email protected] және т.б.) бас прокуратураның атынан келесі мазмұндағы жалған хаттар жолданып отырған: «Сізге Қазақстан Республикасы Бас прокуратурасының 18.03.2015ж. №530491 алаяқтық бойынша қозғалған қылмыстық іс бойынша тергеу нәтижелері туралы ақпараттың көшірмесін жолдаймын. Қосымша: 4-парақта» делінген бас прокуратураның ресми сайтында жарияланған ақпаратта.

Ондай хат таратпағанын және әлгіндей электрондық пошталар өзіне тиесілі еместігін мәлімдеген бас прокуратура азаматтарды алаяқтардың арбауына түсіп қалмауға шақырған.

«Мұндай хаттарды алған жағдайда оларды ашпауға кеңес береміз, өйткені оларды алаяқтар қылмыстық мақсаттарда пайдаланып отыр. Сондай-ақ файлдарда компьютер иесінің мәліметтер базасын басқаруға мүмкіндік беретін зиянды бағдарламалар болуы мүмкін» –  деп ескерткен бас прокуратура.

Источник: Азаттық

Пікір жазу

Пікіріңізді енгізіңіз!
Атыңызды енгізіңіз