Назарбаев Өзбекстан президентін сайлаудағы жеңісімен құттықтады

5
71

Мемлекет басшысы Нұрсұлтан Назарбаев Ислам Кәрімовке Өзбекстан Республикасының президенті лауазымына қайта сайлануына байланысты құттықтау жеделхатын жолдады, деп хабарлады мемлекет басшысының баспасөз қызметінен.

Photo: Назарбаев Өзбекстан президентін сайлаудағы жеңісімен құттықтады</p>
<p>

“Қазақстан мен Өзбекстан арасындағы бауырлас қарым-қатынастар стратегиялық ынтымақтастық деңгейінде нығая түсетініне кәміл сенемін”, – делінген дүйсенбідегі Ақорда сайтында жарияланған жеделхат мәтінінде.

Жеделхатта сайлау нәтижелері Кәрімовтің халық алдындағы беделінің, елдің әлеуметтік-экономикалық дамуына және Өзбекстанның халықаралық қауымдастықтағы абыройын нығайтуға бағытталған парасатты саясатына көрсетілген кең қолдаудың айқын дәлелі екені атап өтілген.

Мемлекет басшысы сондай-ақ Ислам Кәрімовтің басшылығымен Өзбекстанның одан әрі гүлдене беретініне сенім білдірген.

Соңында Нұрсұлтан Назарбаев Өзбекстан президентіне зор денсаулық және жауапты қызметіне табыс, ал бауырлас өзбек халқына татулық пен бақ-береке тіледі.

Бұған дейін хабарланғандай, Өзбекстанның қазіргі президенті Ислам Кәрімов алдын-ала ақпар бойынша сайлауда 90,39% дауыс жинаған. Кәрімов үшін 17,2 млн адам немесе сайлаушылардың 90,39%-ы дауыс берген.

5 ПІКІРЛЕР

  1. Өзбекстан елінің Президентін құттықтай отырып оған жолы болсын дейміз. Елінің сенімін ақтап, жана жетістікттерге жетсін.

  2. Ала шапанды ағайынды құттықтаймыз. Елдеріңіз аман болсын. Елбасымызға сайлауда жеңіс тілеймін.

  3. Өзбекстанның дамуына үлкен үлес қосқан Каримав ака. Жеңісі құтты болсын

Пікір жазу

Пікіріңізді енгізіңіз!
Атыңызды енгізіңіз