Бүгін Қазақстан халықтарының бірлігі күні тойлануда

0
450

1 мамыр елімізде Қазақстан халқының бірлігі күні аталып өтеді. Бұл мейрам бір шаңырақ астында бейбітшілік пен келісімде тұрып жатқан 130-ға жуық ұлтты бұрынғыдан да жақындастыра түседі.

9e5dac2e047b5868562aac9a601e390c

Қазақстан – 130-ға тарта этностың қара шаңырағына айналған көпұлтты мемлекет. 1 мамыр мерекесі елімізде 1996 жылдан бері аталып өтеді.

1995 жылдың 18 қазанында Қазақстан президенті Нұрсұлтан Назарбаев «1 мамырды Қазақстан халқының бірлігі күні деп жариялау туралы» Жарлыққа қойған болатын.

Сондай-ақ 2001 жылғы 13 желтоқсандағы «Қазақстан Республикасындағы мерекелер туралы» заңда елде мерекеленетін мейрамдардың құқықтық мәртебесі белгіленді.

Оған сәйкес елімізде ұлттық, мемлекеттік және кәсіби мерекелер аталып өтеді. 1 мамыр – Қазақстан халқының бірлігі күні мемлекеттік мереке болып табылады.

Айта кетсек, биыл қазақстандықтар Қазақстан халқы Ассамблеясының 20 жылдығын атап өтуде. ҚХА 1995 жылдың 1 наурызында Елбасының бастамасымен құрылған болатын.

Ассамблея қызметі мемлекеттік ұлттық саясатты жүзеге асыруға, елдегі қоғамдық-саяси тұрақтылықты сақтауға және этносаралық қарым-қатынастар саласында мемлекеттік және азаматтық институттардың өзара әрекеттестігінің тиімділігін арттыруға бағытталған.

Пікір жазу

Пікіріңізді енгізіңіз!
Атыңызды енгізіңіз