Бүгін Алматыдағы Жамбыл атындағы филармонияда Қазақстан эстрадасының жарық жұлдызы Батырхан Шүкеновпен қоштасу рәсімі өтті.
Әншіні соңғы сапарға шығарып салуға мыңдаған адам жиналды.
Осыған орай, қала басшылығы бірнеше көшедегі көлік қозғалысын шектеді.
Батырхан Шүкеновті Кеңсай зиратына жерледі.
Естеріңізге сала кетейік, “А-Студио” тобын құрушылардың бірі, Қазақстан мен Ресей эстрадасындағы танымал әнші Батырхан Шүкенов 53 жасқа қараған шағында Мәскеуде жүрек талмасынан қайтыс болды.
Марқұмның артында 13 жасар ұлы Мақсұт қалды.
