Екібастұздағы Қазпошта филиалында ірі көлемде ұрлық жасалған, деп хабарлады ақпаратқа қанық дерек көз.
«Екібастұздағы Қазпошта филиалына қарулы шабуыл жасалды. Расталмаған ақпар бойынша олар шамамен 55 млн теңге ұрлаған», – деді сәрсенбіде агенттіктің сұхбаттасы.
Басқа дерек көзінің ақпарынша, шабуыл кезінде күзетші қаза тапқан.
ІІД-нен ресми ақпар алу мүмкін болмады.
Бұл ретте «Қазпошта» АҚ баспасөз қызметінің басшысы Байрам Әзизов ұрлық фактісін растады.
«Иә, ұрлық 6 мамыр күні түнде жасалды. Оқиға орнына қауіпсіздік қызметі келді. Тергеу мүддесіне орай басқа ақпарат жария етілмейді», – деді Б.Әзизов агенттікке.
Бұл ретте ол «Қазпоштадан» ұрланған соманың қанша екенін нақтыламады, дегенмен төтенше оқиғаның клиенттерге әсер етпейтінін айтты.
Дереккөз: КазТАГ
