Соңғы кезде мемлекеттің рәміздері мен елдің туына деген құрметтің азаюы жиілеп барады. Бірі көк байрағымызбен күл-қоқыс тасыса, енді бірі көліктегі жүкке жабу қылды. Енді міне ресми орган ауласында ілулі тұрған көк тудың кісі көрер сиқы қалмай, елдің елдік сипатына кір келтіріп, ғасырлар бойы аңсаған тәуелсіздіктің жалғыз символы болған туды қорлап отыр.
Әйтеке би кент орталығындағы көк байрақтың жемтір-жемтірі шығып кеткен. Мұндай келеңсіздікті болдырмауға тиісті аудандық ішкі саясат бөлімі қайда қарап отырғаны белгісіз. Ал, Қызылорда облысының прокуроры Нұрпейісов Сапарбек Айтуұлы мен облыс әкімі Қырымбек Көшербаевтың бұл жағдайларды қадағалауға мұршасы қашан тиерін бір құдай біледі.
Ал мынау Қызылорда облысы Қармақшы ауданындағы жағдай:
Ал мынау Сырдария аудандық прокуратурасындағы көк байрағымыздың күйі.
Енді Жосалы кентіне қараңыз…
(Фотолардың түсірілген уақыты 2015 жылдың сәуір, мамыр айлары)
Бектұрсын Ермұханов
