Мәскеу қаласындағы Қызыл алаңда Ұлы Жеңістің 70 жылдығына арналған әскери парад өтті. Бұл – Жеңіс парады Ресей тарихындағы ең ірі шара.
Әскери парадқа 16 мыңға жуық адам мен 200 әскери техника қатысты.
Парадты Ресей федерациясы Құрлық әскерінің Бас қолбасшысы Олег Салюков басқарды.
Сондай-ақ, Жеңіс шеруіне ТМД елдері мен достастық мемлекеттерінен – Әзербайжан, Армения, Беларусь, Қазақстан, Қырғызстан, Тәжікстан, Үндістан, Моңғолия, Сербия, Қытайдан – 10 парадтық есеп қатысты.
Парадты Ресей президенті, Қарулы күштердің жоғары бас қолбасшысы Владимир Путин қабылдады.
Мерекелік жиынға Мәскеуге Жеңіс күніне орай келген әлемнің 30-ға жуық елінің көшбасшылары қатысты.
Парадты трибунадан соғыс ардагерлері, қоғамдық ұйым өкілдері, көптеген шетелдік қонақтар тамашалады.
Еске сала кетейік, мемлекет басшысы Нұрсұлтан Назарбаев Жеңістің 70 жылдығына арналған әскери парадқа қатысу үшін, екі күндік ресми сапармен Мәскеуге барды.
Дереккөз: ИА «Казинформ»
