Ауыр атлетикадан 4 дүркін әлем чемпионы, 2 мәрте Олимпиада ойындарының жеңімпазы Илья Ильин танымал адамдармен селфи жасауды жалғастырды.
Бүгін ол танымал кореялық әнші PSY-мен селфи жасап, Instagram-дағы парақшасына салған. Суреттен PSY атымен танылған әншінің шапан киіп тұрғанын байқауға болады.
Орталық Азия елдеріне алғаш рет сапарлатқан PSY LG компаниясы шығаратын G-4 телефонының таныстырылымына келіпті.
Кейін PSY-дың ән салып тұрған видеосын жүктеген Илья “PSY менің елімде!”деп жазба қалдырды.
Бұдан бөлек, PSY-дың әйгілі Gangnam Style әнін Алматыда орындаған сәтінен үзіндіні Mband тобының әнщшісі Анатолий Цой да жүктеген.
Естеріңізге сала кетейік, Ильиннің президент Нұрсұлтан Назарбаевпен жасаған селфиі көпшілікке кеңінен танылған болатын.
Дереккөз: Nur.kz
