3 шілдеде Қазақстанның басым бөлігінде аптап ыстық ауа райы сақталады

0
418

1

АСТАНА. ҚазАқпарат – Қазақстанның  солтүстік, орталық және шығыс аймақтарында атмосфералық ағындардың өтуіне байланысты кей жерлерде найзағай ойнап, жаңбыр жауады, жел күшейеді, республиканың солтүстігі мен шығысының кей жерлерінде бұршақ жаууы ықтимал.

Елдің оңтүстігінде, оңтүстік-шығысы мен батысында күн ашық болады, деп хабарлады Төтенше жағдайлар комитеті «Қазгидрометке» сілтеме жасап.

Ақмола, Солтүстік Қазақстан облыстарының кей жерлерінде жел 15-20 м/с-қа дейін күшейіп, бұршақ жаууы ықтимал.

Павлодар,  Шығыс Қазақстан облыстарының кей жерлерінде  жел 15-20 м/с-қа дейін күшейіп, күндіз кей жерлерде бұршақ жаууы ықтимал.

Қарағанды, Қызылорда, күндіз Жамбыл, Батыс Қазақстан, Ақтөбе,  Маңғыстау облыстарының кей жерлерінде  жел 15-20 м/с-қа дейін күшейіп, Қызылорда, күндіз Маңғыстау облыстарының кей жерлерінде шаңды дауыл көтеріледі.

Түнде Қостанай облысының кей жерлерінде, күндіз басым бөлігінде желдің 1екпіні 5-20 м/с-қа жетеді.

Күндіз  Жамбыл, Қызылорда, Маңғыстау, Атырау облыстарында, Қарағанды облысының кей жерлерінде, Алматы,  Оңтүстік Қазақстан облыстарында күндіз аптап ыстық болады деп күтілуде.

Маңғыстау облысында да күн қатты ысиды.

Қызылорда, Ақтөбе облыстарының басым бөлігінде, Атырау, Батыс Қазақстан, Қарағанды, Жамбыл, Оңтүстік Қазақстан, Алматы  облыстарында өте жоғары өрт қаупі сақталады.

http://www.inform.kz/kaz/article/2793122

Пікір жазу

Пікіріңізді енгізіңіз!
Атыңызды енгізіңіз