АСТАНА. ҚазАқпарат – Елбасы Нұрсұлтан Назарбаев 2 шілде күні Астанада «Қазақстанда жасалған – Сделано в Казахстане» отандық тауар өндірушілердің көрмесіне қатысты.Көрмеде еліміздің барлық өңірлерінен 80-нен астам компаниялар өз өнімдерін ұсынды.
Көрменің негізгі бағыты: жаңа кәсіпорындар, жаңа өндірістік тізбектер, шығарылатын өнімді жандандыру және кеңейтудегі жаңа бастамалар.
Онда азық-түлік өнімдерінің ерекше түрлерінен бастап түймеге, аяқ-киім, тұрмыстық жуу құралдары, антифриз, доңғалақ жұптары және темір жолға арналған бұру құралдарына дейін өнімдердің бүкіл тізімі ұсынылды.
Бұдан басқа, іс-шара аясында «Жергілікті қамтуды дамытудың Ұлттық агенттігі «NADLoC» АҚ және отандық тауар өндірушілері арасында өнімге Бірыңғай логотипті түсіру туралы 20 меморандумға қол қойылды.
http://www.inform.kz/kaz/article/2793086
