Полиция қызметкерлері Шымкентте әйелді таспен ұрып өлтірді деген күдікпен ер адамды қолға түсірді, деп хабарлайды жергілікті TVK телеарнасы.

“Шымкенттің ІІБ басшысы подполковник Данияр Мейірханның хабарлауынша, күдіктіні шұғыл әрекет ету тобы Жамбыл облысында қолға түсірген. Жасы 34-те. Ал қаза тапқан әйелдің жасы 26-да болған”, – делінген телеарна таратқан хабарламада.

Естеріңізге сала кетейік, 4 шілде күні қаланың 11-шағынауданында әйел адамның денесі табылған. Марқұмның басын біреу таспен ұрып, жаншыған. Алайда жақын маңдағы үйдің тұрғындары ешқандай күдікті дауысты естімегендіктерін айтқан.