Шымкент полицейлері атышулы роликтің басты кейіпкері болған мұғалімді іздестіруде.
Оқушыға қол көтерген мұғалім түсірілген видеороликті ғаламторда көрушілер саны артуда.
Бұған дейін NUR.KZ мектептердің бірінде орын алған бұл оқиғаныңвидеонұсқасын жариялаған еді.
Жазба математика сабағында түсірілген. Оқушылардың бірі тақта алдында тұр, бір кезде мұғалім оған уқаланған қағаз лақтырып, артынша алақанымен ұра бастайды.
ОҚО ІІД баспасөз қызметінде хабарлағандай, аталмыш факті бойынша органға ресми шағым түспеген. Соған қарамастан Шымкен ІІБ қызметкерлері бастық подполковник Данияр Мейірханның бақылауымен тергеуге кірісті. Қазір оқытушының кім екені, мектебі, қол көтеру себептері анықталуда.
Дереккөз: ИА «Казинформ»
