АСТАНА. ҚазАқпарат – Елорда полицейлері альпинистік жабдықтарды пайдаланған пәтер ұрыларын ұсталды.
Астана қ. ІІД баспасөз қызметінің ақпаратынша, «Есіл» аудандық ІІБ-ға Астана тұрғыны пәтері тоналғанын айтып келген. Жедел іздестіру шаралары барысында үш күдікті – 24 жастағы Қостанай облысының тұрғындары А. азаматы мен Е. азаматы, сонымен бірге Арқалық қ. 27 жастағы тұрғыны М. азаматы ұсталды.
Ұсталғандар кінәсін мойындады. Олардың сөзіне қарағанда, олар подъездге кіріп, пәтерлердің есіктеріндегі қоңырауларға соғып, үйде тұрғындардың бар не жоқ екенін тексерген. Пәтер 13-ші қабатта болғандықтан, күдіктілер альпинистік жабдықтардың көмегімен үйдің шатырынан балконға түсіп, осылайша үйге кірген.
Кеткенде де осы жолмен жүргендіктен, зергерлік бұйымдар мен ақшаны жымқырған.
Қазір бұлар альпинистік жабдықтарды пайдаланып бірнеше пәтер ұрлығын жасады деген күдік бар.
Полиция қызметкерлері ҚР ҚК 188-бабына сәйкес тергеу жүргізіп жатыр.
http://www.inform.kz/kaz/article/2801173
