Назарбаев зейнетақы есептеудің жаңа ережесін бекітті

12
273

Еліміздегі зейнетақы жүйесіне ауқымды өзгеріс енді. 2017 жылдан бастап базалық зейнетақы еңбек өтіліне қарай төленетін болды.

Парламенттің қос палатасы  мақұлдап, Ақордаға жіберген құжатқа бүгін Нұрсұлтан Назарбаев қол қойды деп хабарлайды КТК арнасы.

Енді, егер еңбек өтілі 10 жылдан аз немесе мүлдем болмаса, онда базалық зейнетақының мөлшері ең төменгі күнкөріс деңгейінің тең жартысы, яғни  10 мың теңгеден сәл-ақ асады.

Ал, еңбек өтілі бұдан жоғарыларға зейнетақы бөлек есептелмек. Сондықтан қарттығын қамсыз өткізгісі келгендер тыным таппай еңбек етіп, қорға ай сайын қаржы аударып тұруы тиіс. Сондай-ақ жаңа заң бойынша, қазақстандықтар 3 деңгейлі зейнетақы алатын болады.

Базалық, жұмыс берушілердің 5 пайыздық жарнасынан төленетін зейнетақы және әркімнің жеке 10 пайыздық жарнасы. Сонда зейнетақыға үш тарап: мемлекет, жұмыс беруші мен азаматтардың өзі жауапты болады.

12 ПІКІРЛЕР

  1. Зейнетақы жайында жас кезінде ойламайсың, ал үкімет болса, біздің қамымызды ойлап, жаңа ереже бекітті. Өз атқарған жұмысыңа байланысты зейнетақы болмақ. Дұрыс екен!

  2. Иә, өз зейнетақы қорыңды ақырындап жинаудың керек екенін осындан кейін түсінесің. Дұрыс екен, жұмысыңа зейнетақының тікелей байланыстысы.

  3. Бұл өзгертулер көпшілікке болашаққа сеніммен қараудың кепілі болатыны анық! Жұмыс тәжірбиесіне қарап әділ зейнет ақы төленеді!

  4. Қазіргі экономикалық жағдайға байланысты ережеге өзгертулер енгізілді деп ойлаймын. Мысалы, зейнеткер жинағын түгел алмай қайтыс болса, қалған қаражат басқа зейнеткерлер арасында бөлініп төленетіні жаңалық

  5. Бекітілген ережелер өқоғам талабына сай болып табылады.

  6. ылғи айтам, паразиттік психологиядан арылу керек. мемлекет бізге еш нәрсе қарыз емес. әркімнің өмірі де, тағдыры да өз қолында.

  7. Бұл заң өте орынды деп ойлаймын. Азаматтар болашағына жауаппен қарайтын болады. «Еңбек етсең емерсің» деген осы.

  8. Енді жұмыс істемей жүрген азаматтарымыз болашақтарын ойлап жұмысқа тартылады деген ойдамын. Заңмен толықтай келісемін.

  9. Мемлекет бізді асырауға міндетті емес. Сондықтан әрқайсымыз қарттығымызды ойлап адал еңбек етуге тырысайық.

Пікір жазу

Пікіріңізді енгізіңіз!
Атыңызды енгізіңіз