Жанжал кезінде 25 жастағы жігіттің басына оқ тиді

1
118
АСТАНА. ҚазАқпарат – Демалыс күндері Маңғыстау облысының 25 жастағы тұрғынын травматикалық тапаншамен басынан атқан, деп хабарлайды аймақтық құқыққорғау органдары.Оқиға «Кендірлі» демалыс аймағында орын алған. Басына оқ тиіп, бас-ми жарақатын алған жігіт Жаңаөзен қалалық ауруханасының жансақтау бөліміне жатқызылды. Полиция мәліметтеріне қарағанда, жігіт мас болған.

Аталған факті бойынша полиция жедел-іздестіру жұмыстарын жүргізді.  Көп уақыт өтпей күдікті қолға түсті, ол зардап шегушінің құрдасы, Жаңаөзен тұрғыны болып шықты. Күдіктіден заттай айғақ ретінде  «Стражник» травматикалық қаруы тәркіленді.

Полиция анықтағандай, жас жігіттер демалыс орнында танысқан. Екеуі бірге ішімдік ішкен, кейін араларында жанжал шыққан. Жігіттердің бірі еш ойланбастан тапанша алып шығып, құрдасының басынан атқан.

Оқиғаға қатысты тергеу жұмыстары жүргізіліп жатыр, күдікті уақытша ұстау изоляторына қамалды, деп хабарлайды Лада.кз.

http://www.inform.kz/kaz/article/2804252

1 Пікір

  1. Сұмдық, мына бейбіт заманда сау бастарына сақина тілеп, кең далаға симай, тар түрмені аңсау деген … Қалай түсінуге болады. Тәрбие дұрыс емеспе … Қоғам солай болып кетті ме …

Пікір жазу

Пікіріңізді енгізіңіз!
Атыңызды енгізіңіз