АСТАНА. ҚазАқпарат – Аризона Университетінде жұмыс істейтін археолог Николас Ривз Мысыр фараоны Тутанхамонның моласындағы қабырғадан жасырын есік тапқанын айтты.
Қабырға фрескамен қапталған, сондықтан жүз жылдан бері есікті ешкім байқамаған.
Есік цифрлық сканерлеудің арқасында табылды. Нәтижесінде бұл есік Нефертити мазарына апаратын жолды ашады деген тұжырым пайда болды, деп хабарлады «РГ» британиялық Mirror басылымына сілтеме жасап.
Зерттеу жұмыстары жалғасып жатыр, жақын арада ғалымдар Тутанхамон мазарындағы бұл есіктің қайда апаратынын айта алады.
http://www.inform.kz/kaz/article/2806246
