15 тамыз күні Қостанайда қаланың 136 жылдығы үлкен құрметпен атап өтілді. Алайда, қала тұрғындарының наннан жасалған пирамидаға шабуылы көпшіліктің таңданысын туғызды.
Бұл туралы Наша газета басылымына сілтеме жасап NUR.KZ хабарлайды.
Нанннан жасалған ерекше экспозиция маңында жергілікті өнерпаздар концерт қойып, қала тұрғындары тамашалап тұрған. Кейін облыс әкімі Нұралы Сәдуақасов наннан ауыз тиіп, кетіп қалған соң, тұрғындар жаппай нанды талай бастады.
Тұрғындар күзетшілерді де елемей, тәтті тоқаштар мен бөлкелерге таласа бастайды. Төменгі қатарда тұрған нан бітіп қалған соң, олар ең жоғарыда орналасқан каравайды аламыз деп жанталасты.
Ал нан пісіруші қыздар қанша жерден тырысқанымен, нанға таласқан көпшілікті тоқтата алған жоқ.
Дереккөз: NUR.KZ
