Лаңкестік туралы жұртты дүрліктірген ақпарат

2
281

Қазақстан Ішкі істер министрлігі әлеуметтік желілер мен WhatsApp-тағы Қазақстанның сауда ойын-сауық орталықтарында лаңкестік болуы мүмкін деген хабарламаларды жалған деп атады.

Фото: playnation.de

«WhatsApp ұялы мессенджері мен кейбір әлеуметтік желілер пайдаланушыларының арасында ІІМ-іне сілтеме жасап ірі сауда орталықтарында лаңкестік актісі жасалуы мүмкін деген ақпараттар тарала бастады», – делінген ведомствоның хабарламасында.

Қазақстанның ІІМ-і бұл ақпаратты қуаттамайды. Республикадағы жедел жағдай бақылауда.

«Азаматтарды әлеуметтік желілерден алынған мәліметтерге сенбеуге және мемлекеттік құзырлы органдардың ресми ақпаратына сүйенуге шақырамыз», – деді ІІМ ресми өкілі Алмас Сәдубаев.

Еске сала кетейік, Қылмыстық кодекстің 274-бабына сәйкес, қоғамдық тәртіпті бұзу қаупін туғызатын немесе азаматтардың, ұйымдардың құқықтары мен заңды мүдделеріне немесе қоғамның, мемлекеттің заңмен қорғалатын мүдделеріне зиян келтіретін көрінеу жалған ақпарат тарату бір мың айлық есептік көрсеткіш мөлшерінде айыппұлмен немесе сол мөлшерде түзеу жұмыстарымен, немесе бір жылға дейінгі мерзімге бостандығын шектеуге, сол мерзімге бостандығынан айыруға жазаланады.

2 ПІКІРЛЕР

  1. Осындай өтірік ақпарат беріп, елді дүрліктіретіндерді заңмен жазалау керек.

  2. Адамдар немене ланкестік біресе бомба бар деп. Ел жұрттың зәресі ұшырып, Алла сақтасын Жарылыс затпен адамды жарғанда бір пайда түсе ма? Оларға ужас Құдайым өзі саз асын.

Пікір жазу

Пікіріңізді енгізіңіз!
Атыңызды енгізіңіз