Елбасы Жарлығымен 1 наурыз – Алғыс айту күні болып жарияланды

9
373

 © ҚазАқпарат

  • © ҚазАқпарат

Мемлекет басшысы «Қазақстан Республикасындағы кәсiптiк және өзге де мерекелер туралы» Қазақстан Республикасы Президентiнiң 1998 жылғы 20 қаңтардағы № 3827 Жарлығына өзгеріс пен толықтыру енгізу туралы» Жарлыққа қол қойды. Бұл туралы Ақорданың баспасөз қызметі хабарлайды.

ҚазАқпарат құжаттың мәтінін таратады.
«Қазақстан Республикасындағы кәсiптiк және өзге де мерекелер туралы» Қазақстан Республикасы Президентiнiң
1998 жылғы 20 қаңтардағы № 3827 Жарлығына өзгеріс пен толықтыру енгізу туралы
 
«Қазақстан Республикасындағы мерекелер туралы» 2001 жылғы
13 желтоқсандағы Қазақстан Республикасы Заңының 4-бабына сәйкес ҚАУЛЫ ЕТЕМІН:
1. «Қазақстан Республикасындағы кәсiптiк және өзге де мерекелер туралы» Қазақстан Республикасы Президентiнiң 1998 жылғы 20 қаңтардағы

№ 3827 Жарлығына (Қазақстан Республикасының ПҮАЖ-ы, 1998 ж., № 1,

1-құжат) мынадай өзгеріс пен толықтыру енгізілсін:
жоғарыда аталған Жарлықпен бекітілген Қазақстан Республикасындағы кәсiптiк және өзге де мерекелердің тізбесінде:
1-тармақ мынадай редакцияда жазылсын:
«1. Алғыс айту күні – 1 наурыз»;
мынадай мазмұндағы 1-1-тармақпен толықтырылсын:
«1-1. Геолог күні – сәуірдің бірінші жексенбісі».
2. Осы Жарлық алғашқы ресми жарияланған күнінен бастап қолданысқа енгізіледі.
 
Қазақстан Республикасының Президенті Н.Назарбаев
Астана, Ақорда, 2016 жылғы 14 қаңтар
№ 173

ҚазАқпарат

9 ПІКІРЛЕР

  1. Тамаша, ел мен халықтың бірлігін нығайта түсетін мереке болады деген ойдамын.

  2. Бірлігі жарасқан елдің тағы бір мәртебелі күні пайда болғанына қуанып отырмын.

  3. Мен толықтай қолдаймын. Бұл мерекенің қазақстандықтарға берері тағылымы көп болсын!

  4. Мерекені жақсы көремін. Өте қуаныштымын! Әр мереке ынтымақ пен береке әкеледі!

Пікір жазу

Пікіріңізді енгізіңіз!
Атыңызды енгізіңіз