Мұхтар Шаханов ЖСДП съезінің аяқталуын күтпей, кетіп қалды

9
294

Жалпыұлттық социал-демократиялық партия (ЖСДП) бүгін Алматыда өткізген съезде партия атынан кезектен тыс парламент сайлауына түсетін адамдардың тізімін бекітті деп хабарлайды Азаттық.

«Көктөбе» демалыс кешенінде екі жүзге жуық адам қатысқан съез шешіміне сәйкес сайлауға түсетін 27 кандидаттың арасында Зәуреш Батталова, Балташ Тұрсымбаев, Әмірбек Тоғысов, Петр Своик, Уәлихан Қайсар, Ермұрат Бәпи, Құрманғазы Рахметов, Бақытгүл Мәкімбай, Ғабиден Жәкей сынды бұған дейінгі сайлаулар кезінде жұртшылыққа танылған адамдармен бірге Асхат Рақымжанов, Жанат Есентаев, Рахым Айыпұлы, Тазабек Сәмбетбай сияқты парламент сайлауына жаңадан түсіп жатқандар бар.

Бұған дейін ЖСДП-ның кейбір бөлімшелері сайлауға партия төрағасы Жармахан Тұяқбайсыз қатысуды ұсынған. Бірақ, бүгінгі съезде делегаттар Тұяқбайды да партия тізіміне енгізу туралы шешім қабылдады.

Сонымен бірге партия тізіміне енгізу жөнінде алдын ала келісілген кейбір адамдар сайлауға қатысуға ықтияр білдірмеді дейді ЖСДП баспасөз хатшысы Тазабек Сәмбетбай.

«Ақын Мұхтар Шаханов бүгінгі жиынға келгенімен, белгісіз себептермен кетіп қалды. Жазушы Мереке Құлкенов партиялық тізім бойынша сайлауға қатысудан бас тартты», – деді ол Азаттыққа.

Бұған дейін 2012 жылы қаңтарда өткен парламент сайлауына ЖСДП «Азат» партиясының қолдауымен қатысқанымен, қажетті дауыс «жинай алмаған» еді.

Қазақстан парламенті мәжілісінің кезектен тыс сайлауы наурыздың 20-сына белгіленген. Мәжілістегі 107 депутаттық орынның 97-сі партиялық тізім бойынша, 9-ы Қазақстан халқы ассамблеясы атынан сайланады.

 

Дереккөз: Азаттық

9 ПІКІРЛЕР

  1. ЖСДП жақсы тізім жасақтап жатқан секілді. Жастарды да қосқаны ұнап отыр.

  2. Ол кісі ол партияға мүше екен деп ойламаппын. Бір себептеріболған шығар. Қатыспай шығып кеткенін де әңгімелеу керек пе, жазатын тақырып тапқан екен журналистер.

  3. Алдыңғы сайлауда бұл партияның жинаған үлесі қандай еді? Халықтың басым көпшілігі дауыс береді деп айту қиын, алайда бағдарламаларын оқып шығуға әбден болады.

  4. Өз араларында бірдеңе болған шығар. Әйтпесе Мұхтар ағамыздың қайтуы қиындау еді ғой.

  5. Халықтан қолдау болмаса партия жұмысының алдыға іргерілеуі қиындау. Бұл кісілерді толық түсенемін.

  6. Өз басым бұл партияның атын естігеніммен, жасап жатқан жұмыстарын көрген емеспін. Партия елге қызмет ету керек. Халыққа керектіні таба білуі керек.

  7. Негізі көпшілік алдында жүрген азаматтарға дауыс берген дұрыс. Билік тізгінін танымайтын, бұрын жасаған жұмысы белгісіз адамдарға беріп қою қиын.

  8. Партияның ішінде ауызбіршілік болуы керек. Өздері жақын қарым-қатынаста болмай, халықпен байланыс жасау қиын.

Пікір жазу

Пікіріңізді енгізіңіз!
Атыңызды енгізіңіз