Көпшілік Қайрат Нұртас депутат болса, Мәжіліске де анасын ертіп баратынына ойланып қалды

1
203

Әлеуметтік желіде танымал әнші Қайрат Нұртастың болашақ депутаттық мансабы елді біраз шулатып, жұрттың ойын сан-саққа жүгірткені рас. Дархан Мұқани есімді қолданушының Facebook желісінде жариялаған сауалын өзгелер бірден іліп әкетті.

Фото: info-tses.kz

Дархан атты ғаламтор қолданушысы көпшілікке  “Құрметті, НұрОтандықтар! Қайрат Нұртас депутат болса, мәжіліске де анасын ертіп бара ма?” деген сауал тастады.

Жігіттің ойымен келіскендер  Қайраттың сөзіне дейін анасы дайындап беретін шығар деп қағытты. Енді бірі Қайраттың анасы оның көмекшісі болатын шығар деп жорамалын айтты.

Әйтсе де, пікір таластырушылардың ішінде әншінің бастамасын қолдайтындар да бар. Олар сүйікті әртісінің депутат болуына тіпті қарсы емес. Оның анасын сыйлап жүретінін тілге тиек етіп, анасын құрметтеп жүретін үлгі екенін алға тартты.

Танымал ақын Маралтай Райымбекұлы да “Қайратты анасымен бірге сайлау керек. Анасы ғой Қайратты Қайрат қылған”, – деп ойын астыртын мысқылдап жеткізді.

Дереккөз: Nur.kz

1 Пікір

  1. Егер әншілерден бір өкіл керек болса, ол өзі көтерілген, қоғамды таныған адам болуы керек қой …

Пікір жазу

Пікіріңізді енгізіңіз!
Атыңызды енгізіңіз