Дәурен Абаев депутаттыққа үміткерлер қатарына Қайрат Нұртас пен Головкиннің енуін түсіндірді

2
200

Назарбаевтың баспасөз хатшысы Дәурен Абаев «Нұр Отан» партиясының атынан үміткерлер тізіміне спортшылар мен әртістердің енуіне байланысты тілшілердің сұрағына жауап берді деп хабарлайды NUR.KZ.

«Әлеуметтік желілердің пайдаланушылары «Нұр Отанның» партиялық тізімінде спортшылар мен әртістердің болуын өзгеше қабылдады. Парламентте халық сүйіктілері емес, дайындалған және тәжірибелі мамандар керек екені туралы пікір айтылды. Осы мәселеге қандай түсініктеме бересіз?» деген сұраққа ол:

«Мен желіде айтылған сөздердің көбі әзіл деп ойлаймын.  Егер біреу бұл мәселені шындап  көтерсе, онда бүкіл тізімді мұқият қарамаған болар. «Нұр Отан» партиясынан депутаттыққа үміткерлердің саны – 127 адам, соның ішінде спорт пен шоу-бизнес жұлдыздары – небәрі 6-7 адам. Олар тізімде қазақстандықтар үшін ең көп танымалдылығынан ерекшеленген шығар.

Тізімге жалпы алғанда келетін болсақ, менің ойымша, ол максималды түрде үйлестіріліп, жаңа экономикалық жағдайдағы тиімді жұмысқа бағытталған.    Онда орындардағы жұмыстың қыр-сырын білетін, әлеуметтік сала, энергетика, бизнес және өзге де салаларда жұмыстың бай тәжірибесі бар аймақтардағы партиялықтар бар.

Бұдан басқа, партиялық тізімге мемлекеттік басқарудың ең жауапты учаскелерінде қызмет атқаратын адамдар кірді», – деп жауап берді Дәурен Абаев Ақорданың Facebook-тегі ресми парақшасында.

Дереккөз: Nur.kz

2 ПІКІРЛЕР

  1. Спорт пен өнер саласы бұдан кейін жоғары болғаны соншалық, саясатқа әсер етеді дегендік па …

  2. Осы таңда жастарға қолдау көрсетіп, жаңа тың идеялармен сусындаған Парламентті көргіміз де келеді. Жаңа тізімдегі әнші, спортшыларды жай дауыс жинау үшін пайдаланды деген сөздер артықтау сияқты. Халық қолдаса, сайланар, болмаса олардың да бітіретін шаруалары толып жатыр емес пе? Және Абаев мырза айтқандай тізімде басқа саланы меңгерген кандидаттар да толып жатыр.

Пікір жазу

Пікіріңізді енгізіңіз!
Атыңызды енгізіңіз