«Instagram-дағы ең бай балалар» тізіміне енген қазақ жігіті шетелдіктерді таң қалдырды (фото,видео)

1
909

Алматылық Димаш Әділет Instagram-дағы ең бай балалар тізіміне еніп, ағылшындардың назарын аудартты. Жақында желіге қазақстандықты басты кейіпкерлердің біріне айналдырған британиялық деректі фильм жүктелді деп хабарлайды NUR.KZ порталы.

Фото: Instagram

Алматылық Димаш Әділет Ұлыбританиядан Instagram әлеуметтік желісі туралы деректі фильмге түсуге шақырту алғаны туралы бұған дейін хабарланған болатын.

Фильмде желі арқылы танымал болған адамдар жайлы баяндалады.

Видеодан кадр

Instagram-дағы ең бай жастарды көрсетуге тырысқан деректі фильмде жерлесіміз өзінің дүниесін ашық көрсетеді.

Ол алдымен өзінің қымбат сағаттарын көрсетіп, тіпті Софи есімді итімен де таныстырады.

Фильмнен алматылықтың үйінде джакузиден бастап барлық игіліктер бары, ал еденінде жолбарыстың терісі жайылғанын көруге болады.

Димаш досы Асқармен бірге шетелдік түсіруші топты Шымбұлаққа ертіп апарды.

Сол жерде 24 мың жазылушысына арнайы фотоға түсетін қалталы жігіт бір мезетте мыңдаған адаммен әлеуметтік желі арқылы байланысқа шығудан ләззат алатынын жасырмады.

Фильмде алматылықтан өзге суперяхталарда селфиге түсіп, ақша толы ваннаға шомылатынымен мақтанатын өзге елдің жастары да баршылық.

Фото: Instagram

Мәселен, Монакодағы 20 жасар Лана есімді қалталы бойжеткен кей кездері іші пысса тікұшаққа отырып қыдырғанды ұнатады екен.

Димаш Instagram-ға осыдан 4 жыл бұрын тіркелген. Бастапқыда күнделікті сурет­­терін жүктеп, өміріндегі қызық­тар мен алған әсерлерін ортаға салып отырған. Уақыт өткен сайын жазылушылары көбейіп, танымалдығы арта түседі.

«Танымал болуды мүлдем ойлаған жоқпын. «Көппен көрген – ұлы той» демекші, елмен бірге тіркелдім. Ал парақ­шама жазылушылардың саны артқан кезде желіні мүлдем басқа мақсаттарда пайдалануға болатынын түсініп, белсенділік таныттым. Атап айтқанда, жарты жыл бұрын жазбаларымның форматын өзгерттім. Енді тек суреттер ғана емес, әр түрлі та­қырыпта шағын әңгімелер жа­зып, жариялай бастадым. Нә­тижесінде, оқырмандарымның саны бұрынғыдан да еселене түсті», – дейді Димаш.

Бүгінде ол Швейцарияда білім алып жүр. Сондықтан оған жазылушылардың қатарында ағылшын тілділер өте көп. Соны ескеріп өзі де жазбаларын орыс және ағылшын тілдерінде жария­лайды.

https://youtu.be/e8EeyEbvK6s

Дереккөз: Nur.kz

1 Пікір

Пікір жазу

Пікіріңізді енгізіңіз!
Атыңызды енгізіңіз