Айсұлтан Назарбаев қазақстандық футболды қалай құтқару керектігін ойлап тапты

0
493

Қазақстан президентінің немересі Айсұлтан Назарбаев қазақстандық футболды дамытудың жаңа концепциясын әзірлегенін мәлімдеді деп хабарлайды NUR.KZ порталы.

Айсұлтан Назарбаев қазақстандық футболды қалай құтқару керектігін ойлап таптыАЙСҰЛТАН НАЗАРБАЕВ. ФОТО: ZTB.KZ

Бұл туралы ол өзінің Facebook парақшасында мәлімдеген.

«Достар, сендерге айтар жақсы жаңалығым бар – қазақстандық футболды дамытудың үздік жолын табуды мақсат еткен болатынмын, ал бүгінде біз негізгі жұмысты аяқтадық. Менің ниетімнің барынша салмақты екеніне сенім артқандарға алғыс білдіремін. Сіздерсіз бұл қадамымның мәні болмас еді», – деп сөзін бастаған Айсұлтан, одан әрі өз жоспарларымен бөлісті.

«Жақын арада өз ойымды ортаға саламын: қайда және қалай жылжуымыз керектігін, дамуымызға не кедергі екенін және қаражатты қайдан алуға болатынын айтамын. Өзім жұмысыма ризамын және қуана өз концепцияммен бөлісетін боламын. Бұл бірнеше томдаған түсініксіз ақпарат емес… Мен футбол үдерісінің барлық күрделенген тұстарын жеңілдетіп, түсінікті еттім. Біздің футболдағы қысқы ұйқыдан оянатын кез келді деп ойлаймын», – дейді Айсұлтан Назарбаев.

Еске салсақ, бұған дейін Айсұлтан Футбол федерациясының президенті Ерлан Қожағапановтың жұмысына көңілі толмайтынын жеткізіп, бұл қызметке өз кандидатурасын ұсынған болатын.

Дереккөз: Nur.kz

Пікір жазу

Пікіріңізді енгізіңіз!
Атыңызды енгізіңіз