Назарбаев: Арандатушылар әшкереленіп, ел заңына сәйкес жазалануы тиіс

2
913

Жерді сату тақырыбында арандатушылар анықталып, жазалануы тиіс. Бүгін «Тәуелсіздік. Келісім. Болашағы біртұтас ұлт» күн тәртібімен өтіп жатқан Қазақстан халқы Ассамблеясының XXIV сессиясында елбасы Нұрсұлтан Назарбаев осылай деді.

НҰРСҰЛТАН НАЗАРБАЕВ. ФОТО: AKORDA.KZ

Бұл туралы Қазақпарат хабарлайды.

«Соңғы уақытта шетелдіктерге Қазақстанның жері сатылмақ деген жалған ақпараттардың үздіксіз жариялануынан жер мәселесіне қатты назар аударылып отыр. Бірнеше мәрте түсіндірілді, мен де бұл шындыққа сәйкес келмейтіндігін айттым. Тағы да бір мәрте айтқым келеді, ауыл шарушылығы жерлерін шетелдік азаматтар мен компанияларға сату туралы мәселе тұрған жоқ және талқыланбайды да. Бұл тақырыптағы алып-қашпа сөздер негізсіз. Арандатушылар әшкереленіп, ел заңына сәйкес жазалануы тиіс», – деді Назарбаев.

Президенттің атап өтуінше, елімізде ауыл шаруашылығы жерлері жалға 10 жылға беріліп келген. Алайда, бұл аралықта аграрийлер салған қаржысын қайтарып ала алмайды. Сондықтан, жалға беру мерзімін 25 жылға дейін ұзарту шешімі қабылданған. Жалпы, мұндай тәжірибе барлық елдерде бар. Мәселен, Ресей 49 жылға, Біріккен Араб Әмірліктері 99 жылға, Еуропа елдері 25, 49, 99 жылға жерді жалға береді.

«Алаңға шығып шу шығарып жүргендер трактордан не болмаса аттан түсіп жетіп келгендер емес. Олардың ауыл шаруашылығы жайында түсінігі де жоқ, бұл жерлердің қайда екендігін де білмейді», – деді елбасы.

Дереккөз: ИА «Казинформ»

2 ПІКІРЛЕР

  1. Еліміз тыныш, Елбасымыз аман болсн! Ел арасында арадатушылыққа жол берілмеу керек.

  2. Ел үшін бір ауыз сөз сөйлегендер арандатушы болама? Жел соқпаса шөптің басы қимылдамайды.

Пікір жазу

Пікіріңізді енгізіңіз!
Атыңызды енгізіңіз