Алматылық келіншек он баласын айына 130 мың теңгеге бағып отыр

0
441

Алматы тұрғыны Айнұр Арғынбекова он баланы дүниеге әкеліп, тәрбиелеп отырғаны үшін 2010 жылы «Алтын алқа» жүлдесін иеленген деп хабарлайдыNUR.KZ порталы.

Белгілі болғандай, бұл жүлдені табыстағаннан кейін әйелге мемлекет тарапынан ешқандай көмек көрсетілмеген. Айнұрдың сөзіне сенсек, бүгінде ол он баласы мен жұмыс істей алмайтын күйеуін екі жұмыстан табатын 130 мың теңге жалақысына асырап отыр. Әйел таңертеңнен кешке дейін тазалаушы ретінде жұмыс істейді.

Айнұр әр жалақысынан 40 мың теңгесі пәтерақысына кететінін айтуда. Олар екі бөлмесі және кішігірім асүйі бар үйде тұрады. Жалға алынған үйдің ақысынан бөлек, электр қуаты үшін төлемдер бар.

Көпбалалы ана мемлекеттің ешқандай көмек көрсетпейтінін айтуда. Балаларға берілетін өтемақы жақсы көмек болар еді, алайда оны тіркелусіз бермейтін болып шықты. Ал мемлекеттік бағдарлама бойынша пәтерге кезекте тұрғандарына жеті жылдан асқан. Кезегі айтарлықтай жылжи қоймаған, 1400-1500-ші орында тұрғандарына бірнеше жыл болды.

Әйел Алматы қаласының әкімдігіне көмек сұрап жүгінген. Үлкен кеңседе оны қабылдап, назын тыңдап, басын изеп қайтарған. Алайда, ақыры ешқандай көмек болмаған. Соған қарамастан, Айнұр мемлекеттің оны қамқорсыз қалдырмайтынынан үмітті.

NUR.KZ порталы бұл мәселе бойынша қалалық әкімдікке журналистік өтінім жолдаған болатын. Алайда ешқандай жауап келмеді.

Айнұр қызының кеңесімен NUR.KZ редакциясына жағдайды баяндауға бел буған.

Артем Миусовтың материалынан аударылды.

Дереккөз: Nur.kz

Пікір жазу

Пікіріңізді енгізіңіз!
Атыңызды енгізіңіз