Елбасы «Нұр Отан» партиясы төрағасының жаңа бірінші орынбасары М.Құл-Мұхаммедті таныстырды

0
474

 

  • Елбасы «Нұр Отан» партиясы төрағасының жаңа бірінші орынбасары М.Құл-Мұхаммедті таныстырды 

«Нұр Отан» партиясының Саяси кеңес бюросы отырысында Мемлекет басшысы Нұрсұлтан Назарбаев партия төрағасының жаңа бірінші орынбасары Мұхтар Құл-Мұхаммедті таныстырды.

Бұл туралы Ақорданың Твиттердегі ресми парақшасында хабарланды.

Мұхтар Абрарұлы Құл-Мұхаммед 1960 жылы туған. Қазақ мемлекеттік ұлттық университетін бітірген, заң ғылымдарының докторы, профессор.

1982 – 1992 жылдары Қазақ Кеңес энциклопедиясының ғылыми редакторы, аға ғылыми редакторы, философия, құқық және социология редакциясының меңгерушісі, жауапты хатшы болып еңбек етті.

1992 – 1999 жылдары – «Атамұра» баспа корпорациясының президенті.

1999 – 2001 жылдары – Қазақстан Республикасы Парламенті Сенатының депутаты, Заң шығару және құқықтық реформа жөніндегі комитетінің хатшысы, Сенаттың әлеуметтік-мәдени даму жөніндегі комитетінің төрағасы.

2001 – 2003 жылдары – Қазақстан Республикасының Мәдениет, ақпарат және қоғамдық келісім министрі.

2003 – 2007 жылдары – Қазақстан Республикасы Президентінің кеңесшісі, Қазақстан Республикасы Президентінің Баспасөз хатшысы, Президент Әкімшілігі Басшысының орынбасары – Қазақстан Республикасы Президентінің Баспасөз хатшысы.

2007 – 2008 жылдары – Қызылорда облысының әкімі.

2008 – 2010 жылдары – Қазақстан Республикасының Мәдениет және ақпарат министрі.

2010 – 2011 жылдары – Қазақстан Республикасының Мәдениет министрі.

2012 – 2013 жылдары – Қазақстан Республикасының Мемлекеттік хатшысы.

2013 – 2014 жылдары – Қазақстан Республикасының Мәдениет және ақпарат министрі.

2014 – 2015 жылдары – Қазақстан Республикасы Президентінің кеңесшісі.

2015 жылдың наурызынан мамырына дейін – Нұрсұлтан Назарбаевтың кандидатурасын қолдау үшін құрылған республикалық қоғамдық штабтың басшысы.

2015 жылғы 5 мамырдан бүгінгі күнге дейін Қазақстан Республикасы Президентінің кеңесшісі болып қызмет етті. 

http://alashainasy.kz/politic/elbasyi-nur-otan-partiyasyi-toragasyinyin-jana-brnsh-oryinbasaryi-mkul-muhammedt-83510/

Пікір жазу

Пікіріңізді енгізіңіз!
Атыңызды енгізіңіз