Тараздағы атыс үшін дәрігер жұмысынан қуылды

0
1096

Тараздағы № 1 қалалық аурухананың қызметкері аяғына оқ тиіп келген азаматқа медициналық көмек көрсетсе де, мұны құқық қорғау орындарына хабарламапты. Бүл туралы КТК арнасы хабарлайды.

Айдың-күннің аманында болған атыстың мән-жайын анықтаған тараздық прокурорлар осындай мәлімдеме жасап отыр. Яғни, ақ халаттылар дер кезінде ақпарат түсіргенде талтүсте атыс болмай, полиция қызметкері де ауыр жараланбас еді дейді.

Нақтырақ айтқанда, осы оқиға болмас бұрын қалада бір-бірімен жауласқан екі топтың арасындағы төбелесте оқ атылып, тентектердің біреуі жараланыпты.

Ауруханаға көмек сұрап келген ол дәрігерлерді алдап, аяғына темір кіріп кеткенін айтқан. Ал бұған сенген медицина қызметкерлері полицияны құлақтандыруды қажет санамаған.

«Тараз қалалық ішкі істер бөлімінің қызметкері Тіленшиев мылтық даусын естіп, подъезге тығылмақшы болған қарулы азаматты қуа жөнеледі. Сол жерде Тіленшиев пен учаскелік инспектор Данияр Зәуірбек екеуі күдіктіні ұстайды. Сондай-ақ, осы күдіктінің қаруынан жараланған және бір өзге азамат қалалық ауруханаға көмек сұрап келген. Ал оны қараған Карпович деген дәрігер бұл деректі жасырып қалған», – дейді Жамбыл облыстық прокуратурасы басқармасы  басшысының орынбасары Дәурен Көбеев.

 

Дереккөз: КТК арнасы

Пікір жазу

Пікіріңізді енгізіңіз!
Атыңызды енгізіңіз