Ильин допинг дауын «қастандық» деп атады

12
552

Қазақстандық ауыр атлет Илья Ильин Астанада өзі жаттығып жатқан залда журналистердің допинг дауына қатысты сұрақтарына жауап берді деп хабарлайды Азаттық Радиосы.

ИЛЬЯ ИЛЬИН ЛОНДОН ОЛИМПИАДАСЫНДА. 4 ТАМЫЗ 2012 ЖЫЛ

«Біз Рио олимпиадасына үлгермеуіміз мүмкін. Мен әлі жаспын, алдағы меже – Токио олимпиадасы. Сондықтан мен жарысқа қайта ораламын. Ауыр атлетикаға қастандық жасалып жатыр. Бұл спортты біреулер олимпиада бағдарламасынан алып тастап, орнына басқа спортты енгізгісі келеді. Мен олимпиадада алған медальдарымды қайтарғым келмейді. Себебі мен оларды таза еңбекпен жеңіп алдым» деді ол.

Халықаралық ауыр атлетика федерациясы осыған дейін Илья Ильиннің Бейжің мен Лондондағы олимпиада ойындары кезінде алынған сынамаларынан допинг табылғанын мәлімдеген.

Ал Қазақстан ұлттық олимпиада комитеті спортшының медалін қайтарып беру және Рио олимпиадасына қатысу мәселесі 27 маусымда Халықаралық олимпиада комитетінің тәртіптік кеңесінде шешілетінін айтқан.

Ильинге қоса Лондонда алтын алған Зүлфия Чиншанло, Мая Манеза мен Светлана Подобедованың да сынамалары оң нәтиже берген. Бұл төрт атлет қазір уақытша жарыстарға қатысудан шеттетілген.

 

Дереккөз: Азаттық

12 ПІКІРЛЕР

  1. Таза қастандық деп есептеймін. Сонша жылдан кейін допинг дауы тууы да үлкен күмән тудырады. Ең бастысы алған марапаттарынан айрылып қалмаса болды.

  2. Спортшыларымызға қолдау көрсетейік, қазір оларға өте қиын, мына жағдай үлкен соққы болып тиіп жатыр оларға

  3. Біздің спортқа көз тиді, дегенмен әлі де үмітімізді үзбейміз, допинг қабылдамағаны дәлелденеді деп сенемін

  4. Кезіндегі қуанышымыз су сепкендей басылып отыр, халықаралық комитет біздің жақта болады деп үміттенемін

  5. Сене алар емеспін, меніңше біздің спортшыларымыз алтын медальдарын өз еңбектерімен жеңіп алды

  6. Илья Ильинге қатысты қандай шешім қабылданса да, ол біз үшін әйгілі спортшы болып қала береді.

  7. Мұнын барлығы біздің спортсмендердін өзіне сенімін жоғалту үшін істеп жатқаны анық

  8. Ақырына дейін күресу керек деп есептеймін. Бұйырса, жақсы жаңалық естіп қаламыз деген үміт бар.

  9. Ильяның осындай жағдайға тап болуының себебі қарсыластарының қызғанышы. Спортшымыз жарыстан шектетілсін деп допинг қолданды деген жала жауып отыр.Өз басым Ильяның допинг қолданғанына сенбеймін.

Пікір жазу

Пікіріңізді енгізіңіз!
Атыңызды енгізіңіз