Ұлттық банк теңгенің неліктен әлсіреп жатқанын түсіндірді

0
779

Ұлттық банк теңгенің айырбастау бағамының өзгеруін түсіндірді деп хабарлайды Қазақпарат.

Қазақстанда 2015 жылдың тамыз айынан бастап, теңгенің еркін өзгермелі айырбас бағамының тәртібі енгізілген. Соған сәйкес, теңгенің айырбас бағамы бірқатар факторлар, солардың ішінде мұнай бағасы мен саудалық әріптес елдердің валюталарының бағамына сәйкес құбылып отырады.

Бұл туралы Ұлттық банкі монетарлық операциялар және активтерді басқару департаменті директорының орынбасары Әділ Мұхамеджанов мәлімдеді.

Бұл ретте теңгенің бағамына нарыққа қатысушылардың күтулері, бюджет қаражатының қозғалысы, салық төлеу кезеңдері және соңғы айлардағы – долларсыздандыру үрдісі сияқты ішкі факторлар да әсер етеді.

Сонымен қатар, ол ағымдағы жылдың шілдесінде мұнай бағасының төмендеу үрдісінің байқалғанын, оған мұнай өнімдері нарығындағы ұсыныс көлемінің өсуі, АҚШ-тағы мұнайдың жеткілікті қоры туралы деректердің жариялануы, сондай-ақ АҚШ-тағы бұрғылау ұңғымалары санының ұлғаюы да себепші болғанын атап өтті.

«Соңғы кезде рубльдің серпіні мұнай бағасының өзгеруіне сезімталдықтың төмендегенін көрсетті. Соған қарамастан, рубльдің АҚШ долларына қатысты құны мұнай бағасының құлдырауы аясында төмендеді», – деп толықтырды Ә. Мұхамеджанов.

Осылайша, оның айтуынша, жоғарыда көрсетілген факторлар 2016 жылғы 26 шілдеде Қазақстан Қор биржасында теңгенің 350.2 деңгейге дейін әлсіреуіне себеп болды.

 

Дереккөз: ИА «Казинформ»

Пікір жазу

Пікіріңізді енгізіңіз!
Атыңызды енгізіңіз