Назарбаев Қазақстандағы қазақ-түрік лицейлерін қатаң тексеретінін айтты

18
328

Қазақстандағы түрік лицейлерінің жұмысын Қазақстан мен Түркия білім беру министрліктерінің мамандарынан құрылған бірлескен жұмыс тобы тексереді деп жазады Қазақпарат.

 

ФОТО: INFORM.KZ

Бұл туралы бүгін Нұрсұлтан Назарбаев екіжақты келіссөз нәтижесі бойынша баспасөз конференциясында түрік журналистерінің сұрақтарына жауап беру барысында мәлімдеді.

«Қазақстанда жұмыс істеп тұрған мектептер – біздің мемлекеттің мектептері. Бұл мектептерде төрт тілде оқытылады. Қазақ, орыс, ағылшын және түрік тілінде. Мектептерде жұмыс істейтін оқытушылардың 90 пайызы Қазақстан азаматтары және тек 8-9 пайыз оқытушылар Түркиядан балаларын оқыту үшін келеді», – деді Назарбаев.

Мемлекет басшысы мектептерді жергілікті атқарушы органдар қаржыландыратынын атап өтті.

«Түркияға қарсы жұмыс істейтін күштерді біз еш уақытта қолдамаймыз. Бұл біздің мүддемізге жатпайды. Сондықтан біз бүгін елдеріміздің білім беру министрліктері жұмыс тобын құрып, әр мектепті тексереді деп уағдаластық», – деді Нұрсұлтан Назарбаев.

Сонымен қатар мемлекет басшысы бұл лицейлер тексерілгенін және олардан заңсыз ештеңе таппағанын атап өтті.

«Біз жүргізген тексеріске сәйкес олар ешбір қазақстандық заңдарды бұзған жоқ. Оқыту бағдарламасы ҚР білім министрлігінің оқу бағдарламасы негізінде жасалады», – деп хабарлады Назарбаев.

Мемлекет басшысы егер бұл мектептерде Түркияға қарсы бағыттағы адамдар болса, онда Қазақстан мұны еш уақытта қолдамайтынын, тиісті шара қолданатынын және Түркияның барлық өтініштерін орындайтынын қосты.

«Барлық осы мектептерде ата-аналар өз балаларын оқытқаны үшін ақы төлейді. Білім беру сапасы өте жоғары. Білім алатын 9 мың баланың бірнеше мыңы әлемдік олимпиада, байқаулардың жеңімпаздары, олардың барлықтары университеттерге түседі», – деді Назарбаев.

Қазақстан президенті Қазақстанда түрік лицейлерін құру марқұм Тургут Озал кезінде басталғанын еске алды.

«Біз бұл мектептерді егер жастарымыз біздің тілдерді білсе, бір-біріне жақын болады деген ниетте құрдық», – деп сөзін түйіндеді Нұрсұлтан Назарбаев.

 

Дереккөз: ИА «Казинформ»

18 ПІКІРЛЕР

  1. Тексеру деген бір нәрсе шығады деген емес, адамдардағы күмәнді сейілту керек. Егер түріктер күмәнданар болса тексереміз көреміз қалай боларын

  2. Қазақ-түрік лицейлері өзімізідң стандарт бойынша жұмыс жасайтын мектеп. Білім сапасы өте жоғары қоқатын түгі де жоқ

  3. Доверяй но проверяй деген өзімізге жақсы. Сенімсіздік деген ең жаман нәрсе

  4. Түсінбестікті жою керек, болмаса Түрік мемлекет басшысы сенімсіздік білдірсе, олай жұмыс істегеніміз болмас. Барлығы осы екіжақты қарым-қатынасты дамыту үшін жасалған жұмыстар

  5. Оған күмәнданудың қажеті жоқ. Бірек бірдеңе деп айтқан шығар, бүд жәй сыбыс болар деген ойдамын.

  6. Қатаң тексеру керек, жел болмаса, ешқандай әңгіме өрбімейді. Қазақстанда да Гүлен идеологиясын ұстанатын азаматтар бар деп ойлаймын.

  7. Мемлекет қолдап, жағдайларын жасап отырған ҚТЛ түлектері ертеңгі күні мемлекеттік төңкеріс жасмаақ болса, сонда соғамыз санымызды. Тексеру керек.

  8. Бұл лицейлар Қазақстанның заң шеңберінде жұмыс жасайды.Оңдайға жол берілмейді бізде

  9. Ол лицейлер мемлекеттің бақылауында, теріс ағымды насихаттауы мүмкін емес

  10. КТЛ-біздің заң шеңберінде жұмыс жасайды ,ондай әрекеттерден аулақ деп ойлаймын

Пікір жазу

Пікіріңізді енгізіңіз!
Атыңызды енгізіңіз