Күзде болатын жеке концертіне дайындалып жатқан әнші Шаһизадаға қастандық жасалыпты деп хабарлайды 31 арна.

Әншінің айтуынша, белгісіз біреулер оның жақында өтетін шығармашылық кешіне кедергі жасап жүрген сыңайлы. Оқиға үйінің маңындағы көлік тұрағында болған. Тіпті, суық қару да кезеген.

Хош делік, өнер жұлдызы бұл оқиғасын кейінірек айтамын деп уәде берді.

Әнші “Қазақстан”  атты жаңа әніне бейнебаян түсіріп жұмысын жалғастыруда. Бұл жолы Алатау баурайында орналасқан Медеу мұз айдынын таңдаған екен.

Шаһизада әнді жалғыз өзі орындамайды. Жас әнші Ілияс Байбосыновпен бірігіп жазған. Шығындарын да бірігіп өтейді.

Шаһизада танымал болған сайын өзімен бірге дуэт орындауға ынталы жастардың көбейгенін жеткізді. Әнші табиғат аясында, ашық аспан астында түсірген әнбаянын жаздың соңында сүйікті көрерменіне тарту етпек.