Бүгін таң ата Алматыға алғашқы қар түсті. Алматылықтар қазан айының ортасында жауған алғашқы қармен бірін-бірі құттықтап желіге суреттер сала бастады деп хабарлайды NUR.KZ.

Кеше кешке басталған жаңбырдың соңы қарға ұласып, бүгінде ағаштар басын аққырау шалған. Еске сала кетсек, синоптиктер 15 қазан күні дауыл болатынын, – 6 градусқа дейін күн суытатынын ескерткен болатын.

Айта кетейік, Алматының таулы аймағында алғашқы қар 2 қазан күні түскен болатын.