1 сәуірде орынсыз қалжыңдаған әйел алты жылға сотталып кетуі мүмкін

0
241

Батыс Қазақстан облысында күйеуінің пойызда кепілге алынғаны туралы қалжыңдаған әйел сотталып кетуі мүмкін деп хабарлайды «Мой город» порталы.

1 сәуірде орынсыз қалжыңдаған әйел алты жылға сотталып кетуі мүмкінОблыстық жедел штабтың БАҚ-пен байланыс жөніндегі тобы хабарлағандай, 1 сәуір күні полицияға әйел адам хабарласып, күйеуінің пойызда кепілге ұсталып отырғанын хабарлаған. Шамалы уақыттан кейін әйел 102 нөміріне қайта хабарласып, кепілде ұстау туралы ақпараттың шындыққа жанаспайтынын, жәй ғана қалжыңдамақ болғанын айтқан.

«Әйелдің жеке басы анықталды. Әзілқой Батыс Қазақстан облысының 30 жастағы тұрғыны болып шықты. Қазіргі уақытта бұл дерек бойынша тергеу шаралары жүргізіліп жатыр», — деп хабарлады жедел штабта.

Оған қатысты Қылимыстық кодекстің 273-бабы «Терроризм актісі туралы жалған көрнеу хабарлау» бойынша сотқа дейінгі тергеу басталған.

Бұл қылмысқа алты жылға дейін бас бостандығынан айыру жазасы қарастырылған.

Пікір жазу

Пікіріңізді енгізіңіз!
Атыңызды енгізіңіз