Атыраудағы ең сұлу фотомодель мал шаруашылығынан қалай табысқа жетті? (фото)

0
122

Атыраулық фотомодельдің ауылшаруашылығын қолға алуы жұртшылықтың назарын аударып отыр. Назерке Кусесова бұл салада қызмет етемін деп мүлде ойламаған. NUR.KZ тілшісі Атырау сұлуынан үш қайнаса сорпасы қосылмайтын бизнесі мен хоббиін әдемі ұштастыруының сырын сұрады.

Атыраудағы ең сұлу фотомодель мал шаруашылығынан қалай табысқа жетті? (фото)

Назерке Кусесова фотомодельдік кәсіпке осыдан екі жыл бұрын қадам басқан.

Атыраудағы ең сұлу фотомодель мал шаруашылығынан қалай табысқа жетті? (фото)

«Алғаш рет модельдік агенттікке екі жыл бұрын бас сұқтым. Бізге ол жерде подиумда жүріп-тұруды, өз-өзімізді камераның алдында ұстай білуді үйретті. Сол жерде алғашқы фотосессиям болды. Содан бастап мен фотографтардың назарына іліге бастадым. Одан соң Дубайға демалуға барғанда фотографтар байқап қалып, маған фотосессия жасауға ұсыныс жасады. Кейін Түркияға барғанда фотосессияға ұсыныс жасады. Осылайша қазір елімізде Инстаграм желісінде түрлі тауарларды жарнамалап жүрмін. Бұған мен хобби ретінде қараймын. Одан ләззат аламын», – дейді Назерке.

Атыраудағы ең сұлу фотомодель мал шаруашылығынан қалай табысқа жетті? (фото)

Атыраулық ару Малайзияда тілін жетілдіріп, елімізде мұнай саласында білім алған. Алайда ол өз болашағын жеке кәсіпкерліктен тапты.

Атыраудағы ең сұлу фотомодель мал шаруашылығынан қалай табысқа жетті? (фото)

«Әкем кәсіпкер болғандықтан сол кісіге көмектесейін, ата-анамның маған істеген бар жақсылығын қайтарайын деген ниетпен ауылшаруашылық саласына бет бұрдым», – дейді ол бұл қадамының себебін түсіндіре келе.

Атыраудағы ең сұлу фотомодель мал шаруашылығынан қалай табысқа жетті? (фото)

Батыс Қазақстан облысында туып-өсіп, қазір Атырауда тұрып жатқан Назерке Кусесова отбасылық кәсібінің аяқ алысымен бөлісті.

Атыраудағы ең сұлу фотомодель мал шаруашылығынан қалай табысқа жетті? (фото)

«Әкем мен анам бұл кәсіпті біздің кішкентай кезімізде бастады. Үйде үш қызбыз. Мен ортаншысымын. Мал шаруашылығымыз Батыс Қазақстан облысында. Етті сол жақтан тасимыз. Оны қонақ үйлерге, мейрамхана, түрлі фирмаларға өткіземіз. Жақында тағы бір мал шаруашылығы қожалығын аштық. Болашаққа жоспарымыз көп. Тауар көлемін арттырып, тұтынушылар базасын көбейтсек дейміз. Келесі жылы Ресей нарығына шықсақ деген ой да бар. Қараша айында өтетін Жас Отанның жастар форумына аймақтағы бизнес өкілінің бірі ретінде шақырту алдым. Бұл мен үшін жеңістік деп ойлаймын», – деп қуанышымен бөлісті атыраулық кәсіпкер.

Атыраудағы ең сұлу фотомодель мал шаруашылығынан қалай табысқа жетті? (фото)

Назерке бизнес жолында қиындықтардың болмай қоймайтынын тілге тиек етті. Ол ешқашан өзіне деген сенімді жоғалтпау маңызды деп есептейді.

«Мен барған бірнеше бизнес, психологиялық тренингтерден түсінгенім – бұл өмірде өз-өзіңе сену керек екен. Ешқашан да өзіңе деген сенімді жоғалтпау қажет. Ештеңе оңайлықпен келмейді. Қиындықсыз болмайды. Оларды жеңе білу керек. Оған әрқашан да дайын болу керек. Бизнес болған соң, бәрін көруге тура келеді. Бізді алдап кетіп, үлкен сомадағы ақшаны бермей, кейін банкрот болғандар да кездесті. Бірақ ешқашан еңсені түсірмеу керек. Бизнес болғасын барлығы болады. Адам ештеңеден сақтандырылмаған», – дейді ол.

Назерке ондай кездерде бастысы, адамдармен тіл табыса білу екенін алға тартады.

Ол осы күнге жеткізген әкесін мақтан тұтады.

«Себебі ол кісі күні-түні ұйықтамай, жолда жүріп, осы күнге жеткізді. Кішкентай кезімізде Оралда тұрғанда әкемнің ескі көлігі болды. Оның пеші де болмапты. Сонымен Оралдан суыққа қарамай ет таситын. Сөйтіп осы дәрежеге өзінің еңбекқорлығының және анамның қолдауының арқасында жетіп отыр», – дейді Назерке Кусесова.

Пікір жазу

Пікіріңізді енгізіңіз!
Атыңызды енгізіңіз