Сақал қою мен қара жамылуды қолдайтындар қауіпсіздік қызметіне өтініш жазуда

0
259

Бұдан бір жыл бұрын Ақтөбеде тал түсте бейбіт тұрғындарды қырып, қару дүкендеріне шабуыл жасалғаны мәлім. Әскери бөлімшеге еркін кіргендер үш бірдей әскери қызметкерді жайратып, бірнеше жауынгерді жаралаған болатын. Сол адасқан топқа ерген сақалды жастардың санын көбейтпеуге күш салған мамандар Ақтөбеде жиналды деп хабарлайды өңірдегі NUR.KZ тілшісі.

Сақал қою мен қара жамылуды қолдайтындар қауіпсіздік қызметіне өтініш жазудаБүгін Ақтөбеге парламент мәжілісінің төрағасы Нұрлан Нығматуллин мәжіліс депутаттарын  бастап келді. Терроризм мен діни экстремизмнің профилактикасы және олардың алдын алуды күшейту мәселелері туралы көшпелі отырысы өтті.

«Қазіргі уақытта өте сақ болуымыз керек. Әлемде түрлі қауіптер болып жатыр. Соның бірі – терроризм мен экстремизм мәселесі. Ол тілге, ұлтқа қарамайды. Өткен жылы бұл жағдай Актөбеде тіркелді. Бұл қанды оқиғадан сабақ алуымыз керек. Осы жағдайды болдырмау үшін бірігіп жұмыс жасауға тиіспіз. Жастар арасындағы тәрбие жұмыстарын қолға алуымыз керек», – деді парламент мәжілісінің депутаты Нұрлан Нығматуллин.

Сақал қою мен қара жамылуды қолдайтындар қауіпсіздік қызметіне өтініш жазудаОл терроризмге қатысты қауіптің ғаламтордан келіп жатқанын, ақпараттық үгіттің ушығып тұрғанын айтты.

Қауіпсіздік қызметі терроризм мәселесі өршіп кеткенін мойындады.

Сақал мен қара киім мәселесіне қатысты қауіпсіздік қызметіне өтініш айтып жатқандар бар. Өтініш қолдаушылардан түсуі мүмкін. Бұл туралы қауіпсіздік комитетінің төрағасы Әшімовтың өзі хабарлады.

«Ақтөбеге сапарымыздың себебі жоқ емес. Өткен жылы тіркелген теракт оқиғасына бір жыл толады. Қауіпсіздік шаралары күшейтіліп, алдын алу жұмыстары жүргізіледі. Тероризммен күресте кешенділікті қамтамасыз етуге жұмыстар жасалады.

Профилактикалық алдын алу жұмыстарына басымдық беріледі. Өршіп кеткен проблеманы шешкеннен гөрі оның алдын алу керек. Сол мәселе жиында талқыланатын болады. Киімге қатысты мәселені талқылаймыз. Киімге, сырт пішінге қатысты түсіп жатқан өтініштер бар.

Барлығы ақылдасып, анықталатын болады», – дейді халықаралық қорғаныс істер және қауіпсіздік комитетінің төрағасы Мәулен Әшімбаев.

Пікір жазу

Пікіріңізді енгізіңіз!
Атыңызды енгізіңіз