Шымкент қаласының тұрғындарын кеш батысымен аспанда ұшып жүрген белгісіз нысан таңқалдырды.
Бұл туралы “ҚазАқпарат” хабарлайды.
Ақ түсті белгісіз нысан баяу қалықтап ұшып, түтіндетіп өткен. Алғашында бұл заттың не екенін білмей таң қалған тұрғындар артынша оның Байқоңырдан ұшқан ғарыш кемесі екенін бір-ақ түсінген. Кей тұрғын нысанды сурет пен бейнетүсірілімге де түсіріп алыпты.
Бұл көрініс көршілес Қызылорда және Жамбыл облыстарында да қайталанған. “Союз -ФГ” көліктік басқару кемесі Астана уақыты бойынша 21 сағат 41 минутта Байқоңыр ғарыш айлағынан сәтті ұшырылған болатын.
