Алматылық марқұм бойжеткеннің есімі биылғы грант иегерлерінің тізімінде жүр (фото)

1
154

8-қабаттан секіріп көз жұмған Тілеугүл Қуаныш 2017 жылғы білім грантының иегері атанды. Бұл туралы NUR.KZ порталының тілшісіне марқұмның туыстары айтып берді.

«Тілеугүл Аграрлық университеттің биотехнология факультетінің бірінші курсын ақылы тәмәмдаған еді. Ата-анама ауыртпалық салмайын деп қыс бойы дайындалып биыл оқуға қайта тапсырған болатын. Кеше оқу гранттарын қарап отырып, қызымыздың 1309-шы болып Еуразия университетінің биотехнология факультетіне грантқа түскенін көріп анасы егіліп жылады», – деді марқұмның туысы Жұлдыз Бұзауқызы.

Алматылық марқұм бойжеткеннің есімі биылғы грант иегерлерінің тізімінде жүр (фото)

Тілеугүлдің туыстары адвокат жалдап, қылмыскердің әділ жазасын беру үшін күресіп жатқандарын айтты.

Бойжеткен терезеден секіріп кеткен кезде оның өліміне себепкер жігіт жанында болған екен. Тергеушілерге берген жауабында:«ұйықтап жатқанмын, қыздың терезеден секіргенін білген жоқпын. Таңертең есікті көршілер мен полиция қызметкерлері қағып келді. Тілеугүлдің қайтыс болғанын солардан естідім», – деген Азиз Уаитов.

Сондай-ақ күдіктінің анасы Тілеугүлдің үйіне екі рет барып кешірім сұраған.

«Тілеугүлді жерлеу кезінде және жетісін таратқанда Азиздың анасы келіп, кешірім сұрады. Қазір біз туралы (Тілеугүлдің туыстары) небір қауесет жүріп жатыр «қызының өлімін сылтау етіп миллондаған ақша сұрапты» деп. Бізге олардан көк тиын ақша қажет емес, қылмыскер әділ жазасын алсын. Қызымыз қыршыннан қиылды, ал ол болса тайраңдап бостандықта жүр. Үйіне іздеп барып, оқиғаны өз аузынан естиік десек, қашып жүр, таба алмадық.

Кешірім де сұрамады. Заңгерлер күдіктіге жоламаңдар «қысым көрсетіп жатыр «деп арыздануы мүмкін деген соң, сараптама нәтижесін күтіп жүрміз. Тілеугүлдің ата-анасы әділдікке жету үшін соңына дейін барады», – дейді марқұмның әпкесі.

1 Пікір

  1. Неге құн төлемейді? …
    Қазақта атам заманнан бері, егер біреу байқаусызда кісі өлтірсе, онда оның туыстарына кешірім сұрау белгісі ретінде қомақты ҚҰН ТӨЛЕГЕН.
    Кешірім де сұрасын, әрі ҚҰН да төлесін!
    Егер шынымен қазақ болсаңдар ҚҰН сұрады, ақша өндірмек, деп қыртпаңдар! Олай деп қыртатындардың өз бастарына түссе осы жағдай , (ұл -қызы кісі қолынан өлсе ) көрер ек не дерін!…

Пікір жазу

Пікіріңізді енгізіңіз!
Атыңызды енгізіңіз