Амангелді Айталы: Қазаққа «Құдай салды, біз көндік» деген көзқарастан арылу керек

1
205

Белгілі ғалым, Мемлекет және қоғам қайраткері Амангелді Айталы қазақ көзқарасын өзгерту керек екенін айтты деп хабарлайды NUR.KZ.

«Тарихын білмеген ұлт жетім бала сияқты. Әкесі мен шешесін білмейтін жетім баланың кейпінде. Ұлтының тағдырын білмеген адам жетім баладай болады. Әлихан Бөкейханов көбіне қазақтарды сынайды.

Қазақтың үлкен кемшілігі бар: неше түрлі жалған әңгімелерге көп сенеді де, тарихқа көп көңіл бөлмейді, ізденбейді деген. Қазақ тарихқа тағдырдың көзімен қарайды.

Құдай салды, біз көндік. Алла біледі, біз білмейміз дейді. Қазақ тоталитарлық көзқарастан арылу керек. Аллаға сенсін, бірақ, қазақ тарихта білгілі бір тұлға, тарихта аты қалатын ұлт болу керек. Белсенді болу керек. Қазақ өз қолымен өз тарихын жасайды», – дейді Амангелді Айталы.

«Алаш идеясы – Мәңгілік елдің ұстанымы» атты республикалық конференцияда сөз сөйлеген қоғам қайраткері жастардың тарихты білуі керек деген мәселеге көбірек тоқталды.

«1905 жылы Щербина деген орыс ғалымы кітап шығарады. Оның бірқатар бөлігі қазақтарға және оның психологиясына арналған. Шетел ғалымы қазақтарды зерттеп, 13 жаман мінезін анықтайды: «Шынайы намыстың жоқтығы, шартты ержүректілік, шартты адалдық, өтірікшілік, пайдақорлық, мылжыңдық, бейқамдық, өсек-аяңшылдық, даукестік, даңқойлық, мақтаншақтық, айлакерлік, нәпсәқұмарлық» деген.

Осы мінездер біздің бойымызда сол кезде де болған, қазір де бар деп ойлаймын. Патша үкіметі осы мінезді пайдаланғысы келді», – дейді қоғам қайраткері.

1 Пікір

  1. Нəпсіқұмарлық?бұрынғы қазақтар нəпсіге берілмеген.бұ орыстың зерттеушісі-өздері туралы неге зерттемеген-енше осы жылдар бойы солардың арасында жұмыс атқарғанда олардың характерін мен де сипаттай алам-ісі түскен адамға жалпақтау-артынан іс алғысыз қып жамандау,өзі білмейтін нəрсеге өзеурегіш,кекшіл,менмен, қолы тар-қызғаншақ,т.б..толып жатыр.

Пікір жазу

Пікіріңізді енгізіңіз!
Атыңызды енгізіңіз