Қазақстанның Тұңғыш Президенті – Елбасы Нұрсұлтан Назарбаевқа өлең арнап, «Сізден басқа жоқ Құдай» деп жар салған Балтабек Нұрғалиев есімді жас ақынның жыры қоғамда үлкен резонанс тудырған болатын.
Ақынның бұл өлеңі туралы сол уақытта көптеген БАҚ жазған еді.
Бүгін «Әдебиет порталында» Абайдың 175 жылдық мерейтойына орай жарияланған мүшәйраның қорытындысы шығыпты.
Жүлде алғандардың қатарында Елбасын Құдайға теңеген Балтабек Нұрғалиев те бар екен.
Ал, бұл мүшәйраға Дәулеткерей Кәпұлы, Несіпбек Айтұлы, Серік Ақсұңқарұлы секілді ақындар қазылық жасапты.
Мүшәйраның жалпы жүлде қоры 4 миллион теңгеден асып жығылады екен.
