Салпаңқұлақтардан сақтаныңыздар!!!

1
98

Бүгінде тапсырыс бергендердің табанын жалайтындар түк таппаса, дастархан басындағы үйішілік әңгімелерді де саясатқа пайдалана бастады. Олар үй аралап, көлік жағалап, ел адақтап жүріп, есіктен сығалап, тесіктен тыңдап, ойдан-қырдан естігенін жоғарыға немесе арнайы органдарға жеткізумен айналысуда.

Тіпті көше парақшалары емес, өз­дері жұмыс істейтін кәдімгі заңды куә­лігі бар басылымдарға да басындағы қияли сандырағын басып жіберетін сал­паңқұлақтар шыға бастады. «Бұның не? Бұл қай сандырағың? Еркекке ұқсайтын еді ғой ұсқының? Сотқа берсем, қайтесің?» – дегенде: «Қағыс естіп қалып, шатасып кетіппін…» деп, сал­паң құлағы салбырап тұра берсе, таң қалмай-ақ қойыңыз. Қазақтың «қатын қағыс естиді» деген мақалын оларға қайталап, қайран сөзді қор қылудың қажеті жоқ екенін де сезінесің. Ал сондай жел сөздердің өзін желпініп отырып, газетіне басатындардың басшысы қағыс еститіндердің қатарында болса да, жеп отырған нандарын адалынан жеу керек емес пе? – деп те ойға батасың. Тіпті оның: «мен сияқты белгілі бәлеқордың алдында бәленше мынадай әңгіме айтыпты» дегенге ел сене қояр ма екен?» – деп ойлауға да санасы жетпейтініне таң қаласың. Шамасы жоғары лауазымды шенеуніктердің әңгімесін жасырын жазып алып, Рахаттанатындарға ессіз еліктейтін байғұс болса керек… Өздерінің әдістері де қарапайым. Бес-алты адам оңаша әңгіме айтып отырған жерге шай сұрап па, нан сұрап па, есіктен сығалайды. Қазақ болған соң төрге шақырасын. Ал оның асыңды ішіп отырып, рахаттана аяғыңды теуіп отырғанын – шала-пұла естігендерін өңін өзгертіп пайдаланатынын ол кезде байқамауың да мүмкін… Төменетектінің өзі ұялатын төменге дейін түскен… ол енді тіпті төсек астына кіріп, тың тыңдап, еркектердің оңашадағы серіліктері мен әңгімелерін де ар-ұяттан азат басылымына жариялап жатса, талып қалмай, дайын болыңыз…

Әрине, бұндай тапсырыстардың со­ңын­да кім тұрғанын жақсы білесің… Ұлы ақын Пушкиннің өзіне негізсіз жала жапқан жалақорға: «салбыраған құ­ла­ғыңнан таныдым» – дегеніндей, жыл­­миған рәпаты елестейді. Абайға Ораз­бай­дың қамшы сілтегенін де білеміз. Ондай ораздардың оразасы барларға ор қазуы бүгін де жалғасып жатыр… Әркімнің аузын аңдып, күткеніндей сөз шықпаса, ойындағысын қосып жіберетін және онысын қарғыбаулы шынжыры сылдыр­лап жүрсе де, «шындықты жариялау» деп түсініп, ресми сөз бен жел сөзді айыруға сауаты да, ары да жетпейтіндер аз емес. Олар дәл қазір тіміскіленіп, иісшіл иттей құлағы салбырап, сіздің де қасыңызда отыруы мүмкін… Сондықтан, салпаңқұлақтардан сақтаныңыздар!

Қазыбек ИСА

8 ҚАРАША, 2009

1 Пікір

  1. Елдің ерлеріне жапқан жалаларымен қоса cөзінің де, өзінің де жаназасы шыққан Ораз ауруханада екен… Серке-сымақ сайт, сендер Оразды сойған комменттерді неге өшіре бересіңдер. Ақыры пікір жазаалмайтындай етіп, блоктап, індеріңе тығылып алыпсыңдар. Өйтіп қор болғанша, сайттарыңды біржола жауып тастай салмайсыңдар ма?Органдағылар Ораз Әлімбекті түгел жабылып “қабылдап”, содан Оразың орындыққа отыра алмай қалыпты. Оразға таласқан майор мен капитанның төбелескенін лейтенант айтып жүр. Енді үшәріптің жансыз агенті стукач Ораз біраз уахыт жұмыс істей алмайды екен… Ал онсыз да фейсбук пен qazaquni.kz abai.kz сайттарында елдің ерлеріне жапқан жалаларымен қоса cөзінің де, өзінің де жаназасы шыққан Ораз ауруханада екен… Сол жерде органдагылардыкiн сорып, сугарып жатыр екен…

Пікір жазу

Пікіріңізді енгізіңіз!
Атыңызды енгізіңіз