Тасмағамбетов таеквондодан қара белбеу иегері атанды

0
106

Кеше Астана қаласы әкімшілігінде қала әкімі Иманғали Тасмағамбетов пен Қазақстан таеквондо федерациясының президенті Вячеслав Ким кездесті. 

Бұл туралы ҚТФ баспасөз қызметіне сілтеме жасағвн Қазақстан жаңалықтары хабарлайды.

Кездесудің негізгі мақсаты Астана қаласының әкіміне таеквондодан (WTF) 7 дан мен қара белбеуді ұсыну болатын.

Естеріңізге сала кетейік, 29-31 тамыз аралығында Астанада Бүкіләлемдік Гран-при додасы өтіп, Бүкіләлемдік федерация басшылығы біздің елімізге толық құраммен келген еді.

Аталған топты бастап келген Бүкіләлемдік федерация президенті Чунгвон Чо Иманғали Нұрғалиұлына құрметті данды арнайы тапсыруды міндеттеді. Кездесу барысында Вячеслав Ким ел спортын, оның ішінде таеквондоны дамытуға зор үлес қосқаны үшін Иманғали Тасмағамбетовке алғысын білдірді.

Сонымен қатар, Астана қаласы әкімінің аты-жөні тігілген қара белбеу мен жетінші дан туралы Бүкіләлемдік федерация сертификатын ұсынды. Иманғали Тасмағамбетов өз кезегінде болашақта Қазақстандағы таеквондоны дамытуға үлес қоса беретінін жеткізді.

Еске сала кетсек, былтыр елбасы Нұрсұлтан Назарбаев та осы спорт түрінен 10-ншы дан иегері атанған болатын.

Пікір жазу

Пікіріңізді енгізіңіз!
Атыңызды енгізіңіз