Ердоған мен Путин Ыстанбұлда Ресей-Украина келіссөздерін өткізуге келісті

0
3382

Ресей президенті Владимир Путин мен Түркия басшысы Режеп Тайип Ердоған жексенбі күні телефон арқылы сөйлесу барысында Ресей мен Украина делегациялары арасындағы келіссөздердің келесі раундын Ыстанбұлда өткізу туралы уағдаласты, деп хабарлайды ҚазАқпарат ТАСС агенттігіне сілтеме жасап.

«Келіссөздер барысында Ресей-Украина соғысындағы соңғы жағдай мен келіссөздер барысы талқыланды. Президент Ердоған мен Ресей президенті Владимир Путин Ресей мен Украина келіссөздер делегацияларының келесі кездесуін Ыстанбұлда өткізуге келісті», – деп хабарлады журналистерге Түркия президентінің кеңсесінен.

Бұған дейін Ресей делегациясының басшысы, президент көмекшісі Владимир Мединский Ресей мен Украина делегациялары келіссөздердің кезекті бетпе-бет раундын 29-30 наурызда өткізу туралы шешім қабылдағанын хабарлаған болатын. Сондай-ақ Ердоған жексенбі күні Путинмен телефон арқылы сөйлескен кезде Анкара Ресей мен Украина арасында бейбітшіліктің орнауына ықпал етуді жалғастыратынын атап өткен.

«Президент Ердоған Ресей мен Украина арасында қысқа уақытта бітім мен бейбітшілік орнату, сондай-ақ өңірдегі гуманитарлық жағдайды жақсарту қажеттігін, Түркия бұл жағдайға өз үлесін қосуды жалғастыратынын айтты», – деп хабарлады журналистерге Түркия президентінің кеңсесінен.

Пікір жазу

Пікіріңізді енгізіңіз!
Атыңызды енгізіңіз