Жамбыл облысында оқыс оқиға! Шу ауданында АН-2 ұшағы апатқа ұшырап, бірнеше адам қаза тапты.
Болжам бойынша, опат болғандардың саны алтау. Оқиға шамамен Тараздан 300 шақырымдай жерде болған. «Қазақмыс» компаниясына тиесілі ұшақ «Шатыркөл» кен орнына бет алған екен. Негізі бортта 7 адам болыпты. Оның үшеуі экипаж мүшесі. Тек жантүршігерлік апаттан бір жолаушы тірі қалды. Ол қазір ауыр хәлде дереу ауруханаға жеткізілді. Бірақ әзірге оқиғаның себебі де белгісіз. Басқа да мәліметтер нақтылануда. Ұшақ құлаған жерге құтқарушылар жөнелтілді.
