Апатқа ұшыраған “Ан-2″ ұшағында қаза болғандардың аты-жөндері анықталды

0
49

“Қазақмыс” компаниясы Жамбыл облысындағы АН-2 ұшағының апатынан қаза тапқан өз қызметкерлері туралы ресми мәлімдемені жария етті.

Апатқа ұшыраған

Мәлімдемеде ұшақ бортында жеті адам болған, олардың төртеуі, “Қазақмыс” корпорациясы” ЖШС-нің қызметкерлері, ал үшеуі – экипаж мүшелері болғаны айтылған.

“Қазақмыс” корпорациясының үш қызметкері: техникалық даму департаментінің директоры Г.Т.Төлеубаев, “Балқаштүстімет” ӨБ-інің бас механигі Е.Б.Ибраев, “Балқаштүстімет” ӨБ-інің техникалық және инвестициялық жоспарлау бөлімінің бастығы У.Х.Есмағанбетов апат орнында көз жұмды, ал “Балқаштүстімет” ӨБ-інің бас геологы Ә.А.Шаяхметова ауруханаға жеткізілген.

Қазіргі кезде оқиғаның мән-жайын анықтау үшін арнайы комиссия жұмыс жасауда. “Қазақмыс” корпорациясы қаза тапқан жандардың отбасылары мен туған-туыстарына қайғырып көңіл айтады.

Компанияның мәліметінше, апатқа ұшыраған әуе көлігі Балқаш-Шатыркөл кен орны бағыты бойынша ұшып келе жатқан. 12 орындық АН-2 ұшағы Қарағанды қаласындағы “Олимп-Эйр” компаниясының иелігінде болған.

Апат 20 қаңтар күні сағат 15:40-та Жамбыл облысының Шу ауданында, Төле би ауылынан шығысқа қарай 45 шақырым жерде орын алды. Алдын ала жасалған болжам бойынша, ұшақ қонуға таяғанда қалың тұман салдарынан жерге соғылған.

Пікір жазу

Пікіріңізді енгізіңіз!
Атыңызды енгізіңіз