Халықты қарызға батырған несие Отан қорғаушылардың өліміне себеп болып отыр

1
47
Қараша халықты қарызға батырған несие, енді Отан қорғаушылардың өліміне себеп болып отыр. Бас прокуратура өкілдері жүргізген талдау барысында, соңғы жылдары өз-өзіне қол жұмсаған әскерилердің дені несиесін төлей алмаған соң осындай қадамға барғаны анықталған. Оның үстіне, жауынгерлердің психологиялық жағдайын қадағалайтын білікті мамандар жеткіліксіз. Бүгін Бас әскери прокурордың өзі Ақмола гарнизонының былтырғы жұмысын қорытындылап, кемшіліктерін тізіп берді.Бұл – Жамбыл облысындағы бір әскери бөлімдегі мысал. Үйреншікті әдіспен жауынгерлер қол қойып, жалақысын сардарларына беріп келіпті. 8 жыл бойы бригада командирі мен есепшінің былығын бірде-бір тексеруші байқамаған. Тиісті нәпақасынан айрылып отырған жауынгерден қандай Отан қорғаушы шығады? Осылай деп мәселені басты тақырып еткен бас әскери прокурор, қарулы күштердегі суицидтің себебін де материалдық жағдайға тіреді.

Бұрындары сарбаздардың өз-өзіне қол жұмсауына әскердегі әлімжеттік себеп болатын. Ал қазіргі дәйектерге сенсек, бұл көрсеткіш мүлдем төмендепті. Яғни, тәртіп күшейіп келеді. Алайда, бірді-екілі басбұзар сардар әлі де бар екен.

Барлық жағдайда бригада командирлері заңды бұзған бағыныштыларын өзі ұстап бере бермейді. Тіпті кейбірі өз жұмысына кір келмес үшін жасырады екен. Бүгінгі жиында ондай заңсыздықтардың тіркелгені айтылса да, нақты адамдардың аттары аталмады.


ЕРҒАЛИ МЕРЗАДИНОВ, ҚР Бас әскери прокуроры:

Кемшіліктерді немесе жасалған қылмыстарды жасырса, ондай командирлермен заңды түрде әңгіме басқа болады. Бұл жерде тағы жақсы жұмыс істеген командирлердің аты айтылып жатыр.

Өкінішке орай, Астана орналасқан Ақмола гарнизонында заңсыздықтар азаюдың орнына, көбейген. Әскерилердің өліміне жол бермеу керек деген Мерзадинов мырза, 2015 жылды суицидтің алдын алу жылы деп жариялады. Бұл жоспарды әдеттегідей жиындар өткізу арқылы жүзеге асырмақ.

Бақытнұр Әлібай, Нұркен Тоқмурзин.

1 Пікір

Пікір жазу

Пікіріңізді енгізіңіз!
Атыңызды енгізіңіз