Көкшетауда жас жігіт қыз баланы 10 мың теңгеге сатып жіберді.
Бұл туралы Ақмола облыстық ІІД баспасөз қызметіне сілтеме жасап Қазақстан жаңалықтары хабарлайды.
Күдікті азамат 3 ақпан күні ұсталған.
«22 жастағы күдікті 19 жастағы қызды 10 мың теңгеге сатқан. Күдікті ұстаған кезде одан ақша табылды. Ол өз кінәсін мойындады», – делінген хабарламада.
Бүгінде жас жігіт қаладан шықпау туралы қолхат қалдырған. Аталған іске байланысты қылмыстық іс қозғалды.
Әзірге жігіттің мұндай қадамға не үшін барғаны айтылмайды.
