Алматы полициясы өз әкесін пышақтап өлтірген азаматшаны ұстады. Бұл туралы Алматы арнасы «Куәгер» бағдарламасы хабарлайды.
Қанға боялған адам денесі «Алма» саябақ қоғамындағы жалдамалы үйлердің бірінен 1 ақпан күні түнгі сағат он жарымда табылды.
Сот-медицина сараптамасы анықтағандай, 60 жастағы ер адамның өлімі оң жақ кеуде тұсынан салынған пышақ жарақат салдарынан болған.
Аталған оқиға болмас бұрын ер адам 32 жастағы қызымен спирттік ішімдік тұтынған. Арада туындаған ұрыс-керістің салдарынан қызы әкесіне пышақ жарақаттарын келтірген.
«Ұрысып қалдық. Өзімді қорғамақ болдым. Әкеме пышақ сұқтым. Пышақтың қолыма қайдан түскенін білмеймін», – деді күдікті.
