Елбасы Герольд Бельгердің отбасына көңіл айту жеделхатын жолдады

1
80

ПРЕЗИДЕНТ

07 Ақпан 2015, 22:56

                                     

Астана. 7 ақпан. Baq.kz – Мемлекет басшысы көңіл айта отырып, жазушының дүние салғаны туралы хабарды күйзеле қабылдағанын, бүкіл Қазақстан мәдениетінің ауыр қазаға душар болғанын атап өтті деп хабарлайды Ақорданың баспасөз қызметі.

«Герольд Карловичтің Қазақстанға деген шексіз сүйіспеншілікпен өрілген өмірі шынайы патриотизмнің үлгісі болып саналады. Оның шығармашылық мұрасы біздің мәдениетіміздің баға жетпес игілігіне, ал өмір жолындағы рухани ар-намыс қағидаттары әр кезеңнің ұрпақтарына жігер беретін бағыт-бағдарға айналды», – деп атап өтті Қазақстан Президенті.

Жеделхатта сондай-ақ Г.Бельгердің шығармашылығымен ғана емес, керемет адамгершілік қасиетімен, ізгілігімен және өмірлік ісіне деген ыждаһаттылығымен есте қалғанына назар аударылған. Ол елдің қоғамдық тіршілігіне белсене араласты, оның ісі мен ой-тұжырымдары әрдайым татулықты, мейірім мен рухани құндылықтарды орнықтыруға бағытталды.

«Герольд Карловичтің еңбегі жоғары мемлекеттік марапаттармен атап өтілді, Президенттің Бейбітшілік пен рухани келісім сыйлығының лауреаты болды. Оның жарқын бейнесі қазақстандықтардың жадында мәңгі сақталатын болады», – делінген жеделхатта.

1 Пікір

Пікір жазу

Пікіріңізді енгізіңіз!
Атыңызды енгізіңіз