Қытайдың Алтай аймағы Шіңгіл ауданында тұратын қазақ жігітінің салмағы 8 келіге жуық саф алтын тауып алғанын хабарлаған болатынбыз.
Енді қандасымыз тапқан 8 келі алтын 5 миллион юанға(830 мың АҚШ доллары мөшерінде) сатылды, – деп хабарлайды Qamshy.kz порталы.
Қытай заңында кесек көлемдегі алтын мен бағалы заттар үкіметке тәуелді болуы керек деген тармақ бар. Осыған қарамастан, ғаламторда жүргізілген сауалнамаға қатысқан 60 мың қандасымыздың 97% алтын тауып алған адамға тәуелді болуы керек деген шешімді қолдаған.
Сонымен, соңғы шешім көпшіліктің қалауы бойынша болып, 8 келі алтын 5 миллион қытай юанына сатылды. Әлемде мұндай кесек алтындар жиі ұшыраса бермейді, алтын кендерінің өзінде де тым сирек кездеседі екен.
